له بدخشان ولايت نه مو خبر ترلاسه کړچې ددغه ولايت په يمګان ولسوالۍ کې داسلامي امارت له مجاهدينو سره قومندان عاشور او 12 تنه عسکر يوځای شوي دي.

دخبري سرچينې دخبرپه اساس نن له غرمې مخکې دبدخشان ولایت يمګان ولسوالۍ کې مشهور سيميز جهادي قومندان محمدعاشور له خپلو 12 مسلحو عسکرو سره مجاهدینو سره يوځای شو.

قومندان محمدعاشور چې د پخواني جهاد په وخت کې هم مهم سیميز قومندان وو، نوموړي له مجاهدینو سره دیوځای کيدو علت يې د کرزي درژيم له خوا له امریکايانو سره د غلامۍ د تړون په سر توافق وښود.

قومندان محمدعاشور په هغه غونډه کې چې له مجاهدینو سره د ده د يوځای کيدو په وياړ جوړه شوي وه وويل: زما ایمان نور اجازه رانه کړه چې د يرغلګرو په وړاندې آرام کښېنم، زه وعده کوم چې نور به د اسلامي امارت تر چتر لاندې د يرغلګرو امریکايانو او د هغو له خرڅو شويو غلامانو سره کلکه جهادي مبارزه کوم.

د مجاهدينو لخوا هم نوموړي ته د راتګ او نيک احساس له امله ښه راغلاست وويل شو او د هر راز همکاري او اکملاتو ژمنه ورسره وشوه.

خبرځای زياته کړې چې په ياده ولسوالۍ کې 13 تنه نور عسکر هم له مجاهدينو سره يوځای شوي دي.

دغه عسکر هم د کرزي د غلام رژيم له خوا له اشغالګرو سره د تړون په اعتراض کې له مجاهدينو سره يوځای شوي دي.

سيميز مجاهدين وايي يادو عسکرو د يمګان ولسوالۍ په امنيه قومنداني کي دندي ترسره کولې، عسکرو 13 ميله سپکه او درنه وسله هم مجاهدینو ته تسليم کړي ده.

عسکرو ژمنه کړې چې نور به د ژوند تر وروستۍ سلګۍ پورې له مجاهدينو وروڼو سره اوږه په اوږه د دين او وطن فاع کوي.

2013-11-27